മഴമേഘം 

-----

 

മിഴിനീരുതൂകിയ ശ്യാമ മനോഹരി ... 

തെളിനീരായ് ഒഴുകീ  വീണ്ടും പുഴയിൽ
താഴെപ്പതിച്ചൊരു  മഴയുടെ  നിറവിൽ
ദുഃഖങ്ങളെല്ലാം മറക്കുന്നു നീയും !

മിഴിനീരു നീക്കി ഹൃദയാനുരാഗം ...
മൊഴിമാറിനിന്നു  വഴിദൂരെയായി
വിരിയുന്നുവോ വീണ്ടും കൊഴിയുന്നുവോ
ചിരി തൂകികുസുമങ്ങൾ നിന്നെയും നോക്കി ....

ഓരോ മഴത്തുള്ളി വീഴുന്ന നേരം
ഇതളിലെ രാഗങ്ങൾ പ്രണയാർദ്രമാവും  ...
ഇരുളിന്റെ മറവിൽ വിരിയുന്ന പൂക്കൾ
പുലർക്കാലമായാൽ സുഗന്ധംപരത്തും !

ശ്രീദേവിനായർ 

ശ്രീകൃഷ്ണൻ 

---------------

 

 

കാർമുകിൽ വർണ്ണന്റെ  ലീലകളോ രോന്നും
എകാന്തമാ യിരുന്നോർത്തെടുത്തു ...

കായാമ്പുവർണ്ണന്റെ തോഴിയായി  മനം

ഉണ്ണിക്കണ്ണന്റെ മാത്രം   സ്വന്തമായി  ....

 

 

വെണ്ണകട്ടുണ്ണുന്ന ഉണ്ണിക്കണ്ണന്റെ

രംഗങ്ങളെല്ലാംമനസ്സിൽ തെളിഞ്ഞു  നിന്നു

ഗോപികമാരുടെ മാനസം തന്നിലെ

ചോരനായ് മാറിയ കണ്ണനവൻ .....

ഉണ്ണിക്കൃഷ്ണനവൻ ....

 

കൃഷ്ണാ മുകുന്ദാ മുരാരേ   ഹരേ കൃഷ്ണാ

കൃഷ്ണ ഗോവിന്ദ നാരായണാ ഹരേ

ആയിരം വട്ടം മനസ്സില് ജപിച്ചു ഞാൻ....

മനം  നാകലോകത്തെ യ്ക്ക് നോക്കി നിന്നു ...

 

 

ശ്രീദേവിനായർ