Thursday, December 22, 2016

എല്ലാ സ്നേഹിതർക്കും എന്റെ സ്നേഹം നിറഞ്ഞ 
ക്രിസ്മസ്  ആശംസകൾ



ശ്രീയേശുനാഥൻ
-----------------------


മണ്ണിന്റെ  പുണ്യമായ്  വിണ്ണിന്റെ തേജസ്സായ്‌ ,
ഭൂ മിയിൽവന്നുപിറന്ന നാഥാ .....
മർത്യന്റെ നന്മക്കായ് നീയെന്നും തപം ചെയ്തു
ജീവനിൽ നോവുകളേറ്റെടുത്തു .....

നീയേശുനാഥാ .......


ക്രുരനാം മർത്യൻറെ  പൊള്ളുന്ന കൂരമ്പിൻ
പാപങ്ങൾ  ഏറ്റു നിൻ   സ്വന്തമാക്കി,                        
പാപങ്ങളെല്ലാം പൊറുക്കുവാൻ കേണു നീ      
സ്വർഗ്ഗപിതാവിനോടെന്നും   വിനീതനായ്
ശ്രീയേശുനാഥാ

ജന്മങ്ങളായിരം ജീവജലംകൊണ്ട്
ജന്മപുണ്യം നൽകി മുക്തരാക്കി ......
പാപിയെപ്പോലും  പരിശുദ്ധമാക്കുന്ന
പാപ വിമോചന നാഥനായി .....

 ശ്രീയേശുനാഥനായി .....


പട്ടം ശ്രീദേവിനായർ