Monday, August 13, 2012

ആള്‍ രൂപങ്ങള്‍




മരണത്തിനും ജീവിതത്തിനുമിടയിലെ
നൂല്പാലത്തില്‍
ചിന്തകള്‍ക്കതീതമായ വികാരങ്ങളില്‍
ബുദ്ധിഭ്രമം സംഭവിച്ച ലോകത്തെക്കണ്ട്
ഞാന്‍ പൊട്ടിച്ചിരിച്ചു.
ഭ്രമം ആര്‍ക്കാണ് സംഭവിച്ചത്?

മനുഷ്യര്‍ക്കോ?
ലോകത്തിനോ?

ആവേശത്തിമിര്‍പ്പില്‍ അന്ധാളിച്ചു നിന്ന
ലോകം;
ആര്‍ത്തിയുടെ ആള്‍ രൂപങ്ങളില്‍
ലോഹം പൂശി പുഞ്ചിരിച്ചു.
നിര്‍വ്വികാരതയുടെ  നീര്‍ക്കയങ്ങളില്‍
അപ്പോഴും ഒന്നും മിണ്ടാതെ,മനസ്സിലാകാതെ
ഞാന്‍ ജീവന്റെ തുടിപ്പുകള്‍ എന്നിലവശേഷിക്കുന്നുണ്ടോ
എന്ന് സംശയിച്ചു!



ശ്രീദേവിനായര്‍ .