പ്രതീക്ഷ

പ്രണയം നിറച്ചവഴികളെല്ലാം
നിന്റേതായിരുന്നു.
കാത്തിരിപ്പിന്റെ സുകൃതം,
അഭിനിവേശം,
നിന്റെ ഹൃദയമിടിപ്പിന്റെ
വേഗത കൂട്ടിക്കൊണ്ടേയിരുന്നു.

എന്നാല്‍,
ഇരുളിനെ പ്രണയിച്ചഞാന്‍
കണ്ണുതുറക്കാന്‍ മറന്നുപോയിരുന്നു.

ഏകാന്തതയില്‍ നിലാവണിയിച്ച
കുപ്പായത്തില്‍ നീ കാത്തിരുന്നപ്പോ
ഴെല്ലാം ,
നിരാശയുടെ കറുത്തവസ്ത്രം
പുതച്ച് നീയറിയാതെ മയങ്ങാന്‍
ഞാന്‍ പാടുപെടുകയായിരുന്നു.



ശ്രീദേവിനായര്‍
(പ്രണയാവശിഷ്ടങ്ങള്‍)