നവരാത്രി
------------


വിശ്വം രചിക്കുന്ന  വിജ്ഞാന പൊൻപൊരുൾ,
വിശ്വൈക ശില്പിതൻ  പൂർണ്ണതനീ ...
മായ്ച്ചിട്ടും മായാത്ത മായാപ്രപഞ്ചത്തിൻ 
മാന്ത്രിക രൂപങ്ങൾ നിന്റെ   സ്വന്തം !

ചിന്തതൻ അത്ഭുത ചൈതന്യ പാൽക്കടൽ
തന്നിലുണരുന്ന സൌന്ദര്യം നീ ...
വേദവേദാന്തങ്ങൾ തന്നൊത്ത്   വാഴുന്ന 
വേദമയീ രൂപം നിന്റെ സ്വന്തം !

അറിവിന്റെ അറിവിനായ് ,നിറയും നിറവിനായ്
നീ വന്നു നിൽപ്പൂ സർവ്വമായി, .,,.ഐശ്വര്യമായി ..
വിദ്യയായീ ...വിദ്യാരൂപിണിയായ് .
വാഴുന്നു ഉള്ളിൽ ദിവ്യചൈതന്യമായ് ....!     

ശ്രീദേവിനായർ