അമ്മ

ഒരു പഴമ്പായിൽ  പടിഞ്ഞിരുന്നീടുന്ന
അയലത്തെ അമ്മ തൻ കണ്ണുകളിൽ

കണ്ടതു ഞാനെന്റെ അമ്മതൻ  മിഴിനീരോ
ദുഃഖങ്ങൾ മറയ്ക്കുന്ന നറു ചിരിയോ ?

സന്ധ്യയ്‌ക്കു  നാമം ജപിക്കുന്ന അമ്മതൻ
ചുണ്ടുകൾ കീർത്തനം ഉരുവിടുമ്പോൾ ..

മനസ്സുരുകുന്നതുപോലന്നമ്മ  കേണതും
മക്കൾക്ക് വേണ്ടിമാത്രമായിരുന്നുവല്ലോ ?



അമ്മതൻ  നെഞ്ചിലെ സ്നേഹത്തിൻഭാഷയിൽ
കടൽത്തിരപോലെ തിരയിളക്കം ..

എന്റെ മനസ്സിന്റെ നിറവിലും  അമ്മയ്ക്കായ്
മിഴിനീരിൽ കുതിർന്നൊരു മൊഴിയിളക്കം !

പട്ടംശ്രീദേവിനായർ