അക്ഷരദേവി
---------------------

നവരാത്രി സന്ധ്യകൾകൺ തുറന്നു
മനസ്സിലൊരായിരം തിരിതെളിഞ്ഞു .
അക്ഷരദേവിയെ തൊഴുതു നിന്നു ഞാൻ
എന്നുള്ളം അകവും പുറവും  ശുദ്ധമാക്കി ...

അറിയാതെ അറിയാതെ അറിയുന്നു ഞാൻ
അറിവായി നിന്നെയെന്നരികിലായി ....
അറിയുവാനറിയാതെ  അകലുന്ന അറിവാർത്ഥി
അറിയുന്നുവോ  നിന്റെ അണയാ  പ്രവാഹം ?


അലസമായ്  അലിയുന്ന  അറിവിന്റെ  നിറവ്
അറിയായ്കിൽ  നിന്നെ അറിയുന്നവരുണ്ടോ ?
അക്ഷരദേവിതൻ   അമല പ്രകാശം
അക്ഷമയാൽ ഞാൻ നോക്കിനിന്നു ....

അകലെയായി ഞാൻ കാതോർത്ത് നിന്നപ്പോൾ
അശരീരിയായ് സ്വരം  കാതിൽ നിറഞ്ഞു !


പട്ടം ശ്രീദേവിനായർ