Thursday, October 8, 2009

ആശ്വാസം





ഉഷ്ണത്തിന്റെ സൂര്യകിരണങ്ങള്‍
ഉരുകിക്കൊണ്ടിരിക്കുമ്പോള്‍
ആശ്വാസത്തിന്റെ ചന്ദ്രരശ്മികള്‍
അലിവിന്റെ സാന്ത്വനമേകുന്നു.



ഭൂമിക്കടിയിലെ നിഗൂഢരഹസ്യങ്ങളില്‍
ആഴ്ന്നിറങ്ങുന്ന ജീവന്‍
ആശാകിരണങ്ങളുടെ അവിശ്വസനീയമായ
ആശ്രയങ്ങളില്‍ ആശയവിനിമയം
ആഗ്രഹിക്കുന്നു.



അറിയാത്ത അറിവുകളുടെ
ആജ്ഞാവര്‍ത്തിയായി അലയുമ്പോഴും
അന്യനെ അറിഞ്ഞുകൊണ്ട്
ആശ്വസിപ്പിക്കാന്‍,
ആശീര്‍വ്വദിക്കാന്‍,
ആശിക്കുന്നു.



സൌന്ദര്യത്തില്‍ വൈരൂപ്യത്തിനും,
പ്രണയത്തില്‍കാമത്തിനും,
അകലാത്ത ആത്മബന്ധമുണ്ടെന്ന്
അറിഞ്ഞത് എന്നാണ്?


ആത്മാവിന് അറിയാത്ത അറിവുകള്‍
മനസ്സിനെ മനസ്സിലാക്കിയത്
മനസ്സാക്ഷിതന്നെയാണോ?


മനസ്സറിയാത്ത മനക്കണക്കുകള്‍
മനസ്സമ്മതമില്ലാതെ മുന്നില്‍ വന്നുനിന്ന്
മുട്ടുകുത്തുമ്പോള്‍,ഞാന്‍
മറ്റെല്ലാം മറക്കുന്നു.
മനസ്സെന്ന മൂഢയെമാത്രം
മാനിക്കുന്നു.
മാറ്റമില്ലാതെ!


ശ്രീദേവിനായര്‍

8 comments:

chithragupthan said...

aasheervaadam; shee ennu deergham vENam.

SreeDeviNair.ശ്രീരാഗം said...

ചിത്രഗുപ്തന്‍,
നന്ദി..

ശ്രീ said...

നന്നായിട്ടുണ്ട്, ചേച്ചീ

SreeDeviNair.ശ്രീരാഗം said...

ശ്രീ,

വളരെനാളുകള്‍ക്ക് ശേഷം
കണ്ടതില്‍ സന്തോഷം...
നന്ദി

സ്വന്തം,
ചേച്ചി

lekshmi. lachu said...

nannayirikkunnu....

SreeDeviNair.ശ്രീരാഗം said...

ലക്ഷ്മി,
വളരെ നന്ദി


ശ്രീദേവിനായര്‍

ramanika said...

വളരെ ഇഷ്ടപ്പെട്ടു!

SreeDeviNair.ശ്രീരാഗം said...

രമണിക,

വന്നതില്‍ സന്തോഷം
നന്ദി...



സസ്നേഹം,
ശ്രീദേവിനായര്‍