പ്രണയം
-----------------
അറിയാതെ അറിയാതെ അരികിലെത്തി,
എന്റെ അളകങ്ങൾക്കിടയിൽ
വിരൽപരതി ...
പ്രണയത്തിന് പനിനീർ പൂ ഒന്നുതന്നു പിന്നെ
തൂവാലകൊണ്ടെന്റെ മുഖം മറച്ചു;;അവൻ
പിൻകഴുത്തിൽ വീണ്ടും മുഖമമർത്തി ...
അലിവായിനെറ്റിയിൽ തിലകം ചാർത്തി
അതിൻ മേൽ പ്രണയത്തിൻ മുദ്രനല്കി ...
കണ്ണുകൾപൊത്തിയ കൈവിരൽത്തുമ്പിൽ,
എൻകൈകളെന്തിനോ തെരഞ്ഞു നിന്നു,,,
ആരെന്നറിഞ്ഞതിൻ സ്പർശന മാത്രയിൽ -
അറിയാതെ മിഴികൾ കൂമ്പിനിന്നു ,,,
ചുണ്ടുകളെന്തിനോ വിതുമ്പിനിന്നു
കാതുകൾ കളകാഞ്ചികേട്ടു ..
കണ്ണുകളെന്തോ കഥപറഞ്ഞു ,,പിന്നെ
നെറ്റിയിലൊരു കളഭക്കുറിതൊട്ടു തന്നു !
പട്ടം ശ്രീദേവിനായർ
No comments:
Post a Comment