പ്രണയാവശിഷ്ടങ്ങള്‍

ഈ മനസ്സിലിനി പ്രേമമില്ല!

പ്രണയങ്ങളൊഴിഞ്ഞ മനസ്സിന്റെ

ശ്മശാനപ്പുക മാത്രമേയുള്ളു

പലരും വലിച്ചെറിഞ്ഞ

പ്രണയാവശിഷ്ടങ്ങള്

‍പെറുക്കിക്കൂട്ടി തീയ്യിടുകയായിരുന്നല്ലോ

എന്റെ എക്കാലത്തെയും വിധി.

പ്രണയാവശിഷ്ടങ്ങള്‍ക്കായി

ഞാന്‍ കാത്തിരുന്നു.

യുദ്ധം ചെയ്യാനായി ഓടുന്നവരുടെ

പണം മോഷ്ടിക്കാനായി ഉഴറുന്നവരും

സായാഹ്നസവാരിക്കാരും

എനിക്കു എറിഞ്ഞു തന്ന-

ഈ അവശിഷ്ടങ്ങളൊക്കെയും

യാതൊരു പവിത്രതയും കല്പിക്കാതെ

ഞാന്‍ തീയ്യിട്ടു!

എത്ര സ്വതന്ത്ര, ഞാന്‍!