Wednesday, December 10, 2008

കാര്‍ത്തികദീപം

വൃശ്ചികമാസം പുലര്‍ന്നുഞാന്‍ കണ്ടതും
വൃക്ഷത്തലപ്പിലെന്‍പൊന്‍ വിളക്ക്..
പൂത്തതാമാകാശപ്പൂമരക്കൊമ്പിലായ്..
കണ്ടെന്റെ മാനസ മണ്‍ വിളക്ക്...

ചുറ്റുംനിറഞ്ഞെന്റെ മുറ്റംനിറഞ്ഞെത്തി
കാര്‍ത്തികദീപമായ് നില വിളക്ക്...
മുറ്റം പടിഞ്ഞിരുന്നാലോലമാടിയ
ചെത്തിപ്പടര്‍പ്പിലെന്‍ കല്‍വിളക്ക്...

കാണാതെകണ്ടുഞാന്‍നിന്‍ കവിളത്തൊരു
മാദകപ്പൂമൊട്ടിന്‍ മണിവിളക്ക് ...
ആരാരോവച്ചതാമ്പോലുള്ളപഞ്ചമി
പ്പെണ്ണിന്റെകവിളിലെക്കളിവിളക്ക്..

ചുറ്റുംനിറവിന്റെപൂങ്കാവനംതന്നില്‍
തെളിയിച്ചെടുത്തതാംനിറവിളക്ക്...
അണയാത്തദീപങ്ങളാക്കിപ്പിന്നെയെന്‍
മനമാക്കി,ആത്മദീപമാക്കീ....

2 comments:

ലതി said...

ആശംസകള്‍...

SreeDeviNair said...

ലതി,
നന്ദി..