Saturday, July 25, 2009

അറിവ്

ആകാശത്ത് വാരിവലിച്ചിട്ട വസ്ത്രങ്ങള്‍
പോലെമേഘങ്ങള്‍.

പകല്‍ വെളിച്ചത്തിന്റെ പിറകില്‍
ഒളിച്ച ,
നക്ഷത്രങ്ങളുടെ നഗ്നമേനിയെത്തഴുകാന്‍
കൊതിച്ച നീലാകാശത്തിന്റെ മോഹം
കണ്ട്,
കടലിന്റെ ഓളങ്ങള്‍ കണ്‍ചുമപ്പിച്ചു!


പേടിച്ചരണ്ട കാറ്റ്,
കുങ്കുമസന്ധ്യയോടായി മാത്രം പറയാന്‍
രണ്ടുവാക്കു തേടുകയായിരുന്നു.


ഇരുള്‍ മൂടാന്‍ തുടങ്ങുന്ന രാത്രിയ്ക്ക്,
നിലാവിന്റെ വരവിലും തെല്ലു പരിഭവം.


മേഘങ്ങളെ,നക്ഷത്രങ്ങളെ,കടലിനെ,
സന്ധ്യയെ,ഇരുളിനെ,നിലാവിനെ,
കാറ്റിനെ,

എല്ലാം ഒരേ പോലെ പ്രണയിക്കുന്ന
പ്രപഞ്ചമെന്ന സ്ത്രീ ഉത്തരം തേടുക
യായിരുന്നു;
അറിയാത്ത ചോദ്യങ്ങള്‍ക്ക്.....!




ശ്രീദേവിനായര്‍

4 comments:

ramaniga said...

valare manoharamayirikkunnu,pathivupole!

SreeDeviNair.ശ്രീരാഗം said...

ramaniga,
വളരെ സന്തോഷം
നന്ദി......


sreedevinair.

സന്തോഷ്‌ പല്ലശ്ശന said...

തുടക്കം മനോഹരമായിരുന്നു :):)

SreeDeviNair.ശ്രീരാഗം said...

സന്തോഷ്,
ഒടുക്കം ഒതുക്കിയ
താണ്....


ചേച്ചി