Sunday, May 9, 2010

അന്യേഷണം











മയില്‍പ്പീലിക്കാട്ടില്‍ മയിലിനെത്തേടി
ആത്മാവറിയാതെ അലയുന്നു ഞാനും,
ഒരു നിധികാണാതെ തെരയുന്നുഞാനെന്‍
ഉയിര്‍താങ്ങുമുള്ളിലെ നിധിയറിയാതെ!



വിടരും വെളിച്ചത്തെക്കാക്കും തമസ്സിന്റെ
മോഹങ്ങളായിരം ഉണരുന്നുരാവില്‍.
നിലാവായ് നിറയുന്നനീളുന്നരാവിന്റെ,
നിഴലായിഞാനെന്റെ ഉണ്മയെത്തേടി.


അമ്മയെന്നെന്നെ വിളിക്കുന്ന സത്യത്തെ
ചിന്മയമെന്നു ഞാന്‍ തിരിച്ചറിഞ്ഞു.
ഏതെന്നറിയാതെ ചിന്തയിലാഴ്ത്തുന്ന
ബന്ധങ്ങളെന്നെത്തളച്ചിടുന്നു.



ശ്രീദേവിനായര്‍

5 comments:

vidyarangam ernakulam said...

താങ്കളുടെ ബ്ലോഗ്‌ ഞങ്ങള്‍ സന്ദര്‍ശിച്ചു. മലയാള ഭാഷാ സ്നേഹികളുടെ കൂട്ടായ്മയ്ക്കായി മലയാള ഭാഷാ അധ്യാപകരായ ഞങ്ങള്‍ ആരംഭിച്ച ബ്ലോഗാണ് www.schoolvidyarangam.blogspot.com. ഇതിലേക്ക് താങ്കളുടെ കവിതകള്‍ അയച്ചു തരുമെന്ന് പ്രതീക്ഷിക്കുന്നു.

ramanika said...

വിടരും വെളിച്ചത്തെക്കാക്കും തമസ്സിന്റെ
മോഹങ്ങളായിരം ഉണരുന്നുരാവില്‍.

ഈ വരികള്‍ മനോഹരം

SreeDeviNair.ശ്രീരാഗം said...

vidyarangam ernakulam,

അഡ്രസ്സ് അയച്ചുതരൂ
കവിത അയയ്ക്കാം.

നന്ദി.
ശ്രീദേവിനായര്‍.

SreeDeviNair.ശ്രീരാഗം said...

ramanika,
വളരെ നന്ദി...

സസ്നേഹം,
ശ്രീദേവിനായര്‍

വിദ്യാരംഗം said...

ഞങ്ങളുടെ വിലാസം : vidyaramgam@gmail.com