ജീവിതം

ജീവിതം കെട്ടുപിണഞ്ഞ ബന്ധങ്ങളുടെ
ഊരാക്കുടുക്കുകള്‍ പോലെ;
വിടുവിക്കാന്‍ ശ്രമിക്കുന്തോറും കെട്ടു
മുറുകുന്ന ബന്ധങ്ങളില്‍,



പിണഞ്ഞുപോയ മോഹങ്ങളെ ഞാന്‍
ആശകള്‍ എന്നു വിളിച്ചു!
എന്നാല്‍ ആശകളുടെ മേലുള്ള പിടി
മുറുക്കാതെ ഞാന്‍ ,
നിരാശകളെ അണച്ചുപിടിച്ചു.


അഭിലാഷങ്ങളെക്കാണാതെ ഞാന്‍
അതിശയങ്ങളെ പ്രാപിച്ചു.
ആക്ഷേപങ്ങളെ നോക്കാതെ ഞാന്‍
അതിവേഗങ്ങളെ പ്രണയിച്ചു.



അനന്തതയില്‍,ഞാനെന്നും
അനന്തരാവകാശികള്‍ക്കായി കാത്തു.
ഇന്ന്,നാളെ, മറ്റെന്നാള്‍,
വരുമെന്ന പ്രതീക്ഷയില്‍!



ശ്രീദേവിനായര്‍