Tuesday, September 29, 2009

പിറവി

പിറവിയെടുക്കാന്‍ കൊതിച്ചയെന്നെ
ഭൂമിയിലേയ്ക്ക് കടത്തിവിട്ടത് ആരാണ്?
ലോകം കാണാന്‍ കണ്ണുതുറക്കും മുന്‍പ്
പ്രാണവായുതന്ന് രക്ഷിച്ചതാരായിരിക്കാം?



അര്‍ത്ഥമറിയാത്ത ശബ്ദംകൊണ്ട് ഞാന്‍
ചുറ്റും നിന്നവരോട് പറഞ്ഞത് എന്തായിരുന്നു?
കണ്ണീരിന്റെ വിലയറിയാതെ
കരഞ്ഞുകൊണ്ടേയിരുന്നത് എന്തിനു
വേണ്ടിയായിരുന്നു?


ബന്ധങ്ങള്‍ ബന്ധനങ്ങളാകുന്നുവെന്ന്
അറിയാതെ ,
ബന്ധുക്കളോട് ചേര്‍ന്ന് സുഖമായുറങ്ങി
യത് ,

അമ്മയാണ് സത്യം എന്ന അറിവ്
മുലപ്പാലിലൂടെ നുകര്‍ന്നത്,
കണ്ണു തുറന്നും അടച്ചും ചിരിച്ചത്
ലോകത്തിന്റെ നിസ്സഹായതയില്‍,
ജന്മത്തിന്റെ തിരിച്ചറിവില്‍,
പരിഹസിക്കാന്‍ മാത്രമായിരുന്നുവോ?


ശ്രീദേവിനായര്‍

8 comments:

പാവപ്പെട്ടവന്‍ said...

അമ്മയാണ് സത്യം എന്ന അറിവ്
മുലപ്പാലിലൂടെ നുകര്‍ന്നത്,
കണ്ണു തുറന്നും അടച്ചും ചിരിച്ചത്
ലോകത്തിന്റെ നിസ്സഹായതയില്‍,
ജന്മത്തിന്റെ തിരിച്ചറിവില്‍,

മനോഹരമായ തിരിഞ്ഞു നോട്ടം

ജെ പി വെട്ടിയാട്ടില്‍ said...

"ബന്ധങ്ങള്‍ ബന്ധനങ്ങളാകുന്നുവെന്ന്
അറിയാതെ ,
ബന്ധുക്കളോട് ചേര്‍ന്ന് സുഖമായുറങ്ങി
യത് ,

അമ്മയാണ് സത്യം എന്ന അറിവ്
മുലപ്പാലിലൂടെ നുകര്‍ന്നത്,
കണ്ണു തുറന്നും അടച്ചും ചിരിച്ചത്
ലോകത്തിന്റെ നിസ്സഹായതയില്‍,
ജന്മത്തിന്റെ തിരിച്ചറിവില്‍,
പരിഹസിക്കാന്‍ മാത്രമായിരുന്നുവോ? ""

മനോഹരമായിരിക്കുന്നു ശ്രീദേവിചേച്ചീ...
ആശംസകള്‍

കുമാരന്‍ | kumaran said...

അതിമനോഹരം..

ramanika said...

എല്ലാ വരിയും മനോഹരം
ഏറ്റവുംഇഷ്ടപ്പെട്ട വരികള്‍ "കണ്ണീരിന്റെ വിലയറിയാതെ
കരഞ്ഞുകൊണ്ടേയിരുന്നത് എന്തിനു
വേണ്ടിയായിരുന്നു?"

Gita. said...

eswaran , thante roopam nalki
bhoomiyilaykku paranjayachavar ella
sathyangalum kandaruyanamennu koodi
aagrahichathukondaakaam ellaamallaam...
devyechiyude
-geetha-

Mahesh Cheruthana/മഹി said...

"പിറവി"‍ ഉത്തരം കിട്ടാത്ത ഒരു ചോദ്യം തന്നെയാണു,നന്നായിരിക്കുന്നു,
ആശം സകള്‍ !!

Typist | എഴുത്തുകാരി said...

വരാന്‍ കൊതിച്ചിട്ടു തന്നെയാണോ ഭൂമിയിലേക്കു വന്നതു്, അറിയില്ല.

SreeDeviNair.ശ്രീരാഗം said...

സീ.കെ,
ജെ.പി.സര്‍,
കുമാരന്‍,
രമണിക,
ഗീത,
മഹീ,
എഴുത്തുകാരീ...
എല്ലാപേര്‍ക്കും നന്ദി..

സ്വന്തം,
ശ്രീദേവിനായര്‍