ത്യാഗം
----------

പരിശുദ്ധ മാതാവിൻ പവിത്രമാം ജീവന്റെ .
പുണ്യഫലം നീ ശ്രീ യേശുനാഥാ .....
മര്ത്യന്റെ അറിവിൻ  നിറവിനായ്  പ്രാർത്ഥിച്ച
പുണ്യഫലോദയം നിൻ ഹൃദയം ......!

ജാതിമതങ്ങൾക്കതീതമായ് മർത്യന്റെ
മാനവ നന്മയിൽ നീ വസിച്ചു ..
ജന്മത്തിൻ ഉദ്ദേശപൂർത്തിയായ് ജീവിതം  ..
ത്യാഗമായ് നീ  വീണ്ടും വിടപറ ഞ്ഞു  !

നിസ്വാര്ത്ഥ സ്നേഹത്തിൽ ജീവനെ ദർശിച്ച
ദാർശനികൻ  നീ ..ശ്രീ യേശുനാഥാ
ജന്മജന്മാന്തര പുണ്യരുപം  ..നീ
മർത്യന്റെ ഉള്ളിലെ സ്നേഹരൂപം ...!

പാപിയെ കല്ലെറിഞ്ഞീടുവാനായുന്ന,
പാപത്തിൻ പൗരജനങ്ങളെയും ,
പാപത്തിൻ നേരറിയാത്തൊരു  നേരിനെ
നേരറിവാക്കിയ   നേർവഴി നീ ......എന്നും
പരിശുദ്ധനായി നീ ശ്രീ യേശുനാഥാ


ശ്രീദേവിനായർ